ياعم يا مسحراتي
لف ونادي علينا ليلاتي
صحي اولادي صحي بناتي
بس امانة بلاش حماتي
جوزي بينده بيقول يا مراتي
هروح اسحره واصحي جاراتي
واحضر عصيري وسندوتشاتي
ياعم يا مسحراتي
يااحلي ندهة اسمعها في حياتي
ياراجل يا فنان ولا احسن آلاااتي
من صغري استناك يوماتي
وانظم علي معادك اوقاتي
كنت اندايك انا واخواتي
ونجري وراك لحد الحاتي
واشم روايحه ارجع بسكاتي
الاقي امي بتصرخ وتهاتي
اولادي راحوا فين اه ياخواتي
ونرجع نتسحر وقمر الدين دا شرباتي
هيا دي ايامك الحلوة وهيا دي زكرياتي
كل سنة وانتوا طيبين .. ورمضان كريم ينعاد علينا وعليكو بالصحة والســلامة
